Sakoon Bhi Khawab Hua — Perveen Shaakir

Smile September 30, 2011 1

(Perveen Shaakir)

Sakoon Bhi Khawab Hua, Neend Bhi Hai Kam Kam Phir
Qareeb Aanay Laga Hai Dorioon Ka Mausam Phir

Bana Rahi Hai Teri Yaad Mujh Ko Silk-e-Gohar
Paroo Gayi Meri Palkoon Mein Aaj Shabnam Phir

Woh Narm Lahjay Mein Kuchh Kah Raha Hai Phir Mujh Say
Chhira Hai Piyaar Kay Komal Suroon Mein Madham Phir

Tujhe Manaoon Kay Apni Ana Ki Baat Sunoon
Ulajh Raha Hai Meray Faisloon Ka Raisham Phir

Na Us Ki Baat Mein Samjhoon Na Woh Meri Nazrain
Muamlaat-e-Zubaan Ho Chalay Hain Mubham Phir

Woh Aik Lamha Kay Jab Saray Rang Aik Hoye
Kisi Bahaar Nay Dekha Na Aisa Sangam Phir

Bohat Aazeez Hain Aankhain Meri Usay, Lekin
Woh Jatay Jatay Unhain Kar Gya Hai Pur-Nam Phir

One Comment »

  1. Ravish! November 24, 2011 at 7:34 AM - Reply

    Smile ap ka pas buhaaaaaaaaaaaaaaaaaaaaaat achi collection hai Parveen shakir ki……..hemsha jab app kuch post kartay ho tou lagta hai yeh best one hai but next time us se bhi ziada best post kar daitay ho ap…………..inshort greaaaat job

Leave A Response »


9 − = eight